Selamat menikoh wahai adikku

Maso mung lahir ke dunio ni, aku tok pehe gapo2 lagi mugo mung lahir duo tahun lepas aku,

Maso kecik kito sokmo gi sekoloh yang samo,
start dari tadika rajo dewo, sek kube kerie 1, sek sg binjai, BM high school, SMIP...kito pisoh ngaji cumo bilo aku masuk matrix jah.

Maso kito remaja, ma & abah tinggal kito duo di Penang duk dgn mokcik & pokcik,
Mas tu kito caro ko baloh jah,
Tokleh setut angin sikit, mesti baloh,
Sbb ma rungsing kito duk baloh di umoh mokcik, duo2 keno kelik ngaji di Qelate tapi aku balik dulu.

Bilo aku kelik Qelate, mung takdop di sisi aku supo sekalo untuk baloh..aku jadi rindu plop.
Start lepas tu, aku pong tok baloh denge mung.
Mung pong rindu aku jugop bekali, sebab bilo kelik Qelate...mung pong bbaik doh denge aku.

Semakin meningkat dewaso, mung denge aku jadi close friend. Kito share masaloh masing2 with each other.

Maso aku serabut sebab keno urus sumo bendo hal2 nikoh aku sendiri, mung tulong jadi tuke dengar.
Maso aku sedih bilo aku teringat kalu muloh ma ado, mesti aku tok keno urus sendiri majlis aku...mung tuke bui semangat.
Maso akad nikoh aku, mung jadi ore yang bawok surat nikoh aku untuk aku sign...
Mung jadi abe aku semetar maso majlis aku sebab mung tahu tanggungjawab mung sebagai anak lelaki hok besar sekali hok boleh di harap,

Lo ni...mung pulop duk di tempat aku dulu.
Hal2 untuk majlis nikoh & bekwoh mung, sumo mung keno urus sendiri.
Aku pehe mung serabut, mung pening, mung rindu muloh ma, mung terteke sgt2....
Aku sedih sebab tokleh tulong mung banyok sangat..
Tapi aku nok mung tahu, aku hepi sangat sebab mung doh jupo ore untuk share suko duko mung pahni.


Adikku Pein,
Semoga mung bahagio denge pilihe hati mung hok juruh dan comey tu.
Aku doakan majlis mung berjalan lancar walaupun muloh ma takdop doh untuk meraikannya.







Ambo nok jemput lah mano2 saing2 blogger hok ado di Qelate untuk berkunjung ke mano2 satu majlis tu. Mano lah tahu, kalu demo mari..kito leh jupo *wink wink*.



Pssssttttt : Sebenarnya, I ada di Malaysia ni. La~La~Land yang I maksudkan kat entry Off to Hong Kong tu dulu ialah Malaysia. I tak bagitau kat blog sebelum ni sebab nak buat surprise kat adik I yang nak kahwin ni. Hari ni baru nak jumpa I...hope surprise I ni menjadi lah hik3x.