Pongoh weh ore qelate!

Male maring ado game Piala FA separuh akhir pertamo kat Stadium Sultan Muhammad ke IV antara Qelate dgn Negeri Sembile. Seperti sumo sedio maklum, Qelate kaloh 0-1. Takdop hal la bab kaloh tu mugo ni baru 1st leg, nanti kalu ado rezeki, bulih la mene di Stadium Paroi 2minggu lagi.


Hok ambo gere tu, bakpo la yang pongoh sangat gi gocoh ore koksir. Nok2 lagi yang di gocoh tu si hensem Mohd Aidil Zafuan Abdul Radzak. Tuke jago gol Qelate Pokcik Halim Napi nok tunjuk debe bekali, lepas habis game...dio pon gi gocoh la tok lakki Rita Rudaini. Demo keno kabar la pokcik Halim weh, demo umur 37tahun doh, pengalame bertahun2 jadi jago gol...demo pon rajing jadi jago gol kebangasaan.

(gorgeous Rita & handsome Aidil Zafuan)

(the "pongoh" man - Halim Napi)

Insiden pergaduhan penjaga gol Kelantan, Halim Napi (empat dari kanan) selepas perlawanan tamat.(kredit: Utusan Malaysia)

Gano la ambo tok kato demo pongoh pokcik Halim weh, bule lepas keno gantung doh .. bule ni gantung lagi. Bekali demo brehi main ngukah dgn gantung di pokok jame kecik2. Bekali demo ado sebab tersendiri la bakpo tibo2 nok gi gocoh ore tu, tapi ambo raso gocoh buke bulih selesai masaloh pong...lagi tamboh masaloh ado la. Pastu, kes demo start gocoh, penyokong pon pakat start rusuhe retek. Nyanyo la ko KAFA jong keno tanggung hukume nanti. Tak pasal2 next game lawe Selangor tokleh main di Qelate doh...pade muko sek nyokong Qelate, keno turun g Bukit Jalil kalu nok tengok next game...buwerrk...pade muko :p

Trak polis dibakar (kredit: Berita Harian)

Luar stadium selepas tamat perlawanan (kredit: Kosmo)

Ambo bennar banggo sangat2 ambo ore Qelate tapi bilo jadi kes gini, ore luar pakat ngudoh ko ore Qelate. Buke sore ore Qelate keno ngato...habis sumo ore Qelate keno cop pongoh, peel hudoh, baso brehi gocoh. Sampai Tok Guru pong tegur dan raso dukocito atas kejadie nih. Tok Guru pong oyat sero malu...kalu Tok Guru malu, ambo pong bergando2 malu jugop. Ambo jadi malu la tibo2 nok ngaku ambo ore Qelate...tapi ambo tetap berpijok di bumi nyato....ambo banggo jadi anok Qelate TAPI ambo tok banggo ore Qelate peel gini sampai namo Qelate jadi busuk seluruh Malaysia.!

Berito lanjut bulihlah di baco kat sumber2 bowoh ni:

(1) Harian Metro

(2) OH! Bulan

(3) Berita Harian

(4) utusan Malaysia

(5) Kosmo

(6) You-tube

Pssssttttt: Dulu2 ambo pon tok berkene dengan ore laki Qelate ni buke gapo, sebab puok dio pongoh, bekeng, pahtu perangai puok2. Kalu di U, saing dengan samo2 sek Qelate jah..doh la tu, toksir lansung try belajar kecek luar. Tapi Allah Maha Kaya la, jodoh ambo denge ore Qelate jugop...tapi ore Qelate hok tak dop ciri2 hok ambo tok suko pado lelaki Qelate tu la. Mujur tok lakki ambo tok pongoh, kalu dop...hari2 ambo hidup berende air mato..ambo tokleh ore tinggi sora sket, mulo la nok jerit koo.

Nota kaki busuk: Anybody needs translation here?

Pongoh = hot-tempered
Gocoh = hit
Debe = macho; well-trained to hit others
Kabar = realize
Retek = also
Nyanyo = pity
Ngudoh = saying bad things
ambo = I
demo = you
bekali = probably
ngukah = climbing
gatung = hanging

VOTE FOR ME!! just by clicking on this image!